About indian college. (Энэтхэгт, коллежийн талаар)

Товчхондоо :
Коллежууд нь аль нэг их сургуулын харъяанд, түүний боловсруулсан сургалтын хөтөлбөрийн дагуу хичээл заадаг.
Семестр (цаашид улирал гэх) тогтолцоотой. Энэ нь 1-р улиралд үзэх хичээлийг (Намар ордог хичээл байлаа гэж бодъё) дараа намар нь үзэх боломжгүй гэсэн үг юм.
Тухайн хичээлийг зөвхөн оноогдсон улиралд л үзэх боломжтой. Хичээл өглөө 8.30с орой 4.30 хүртэл (дадлагын цагтайгаа нийлээд) ордог. Нэг хичээл 1 цаг үрэгэлжлэнэ. 7 хоногийн 6 өдөрт хичээллэдэг. Нэг улиралд онолын 5, дадлагын 3 хичээл орноо.
Хэрэв шалгалтанд унавал шалгалтыг ахиад өгөх эрхтэй. Дараагийн улиралд ороход нийтдээ 4 хичээл дээр унасан байхыг зөвшөөрдөг (өмнөх улиралуудын унасан хичээлүүдийг оруулаад). Гэхдээ 5-р улиралд ороход бүх хичээл дээр тэнцсэн байвал зохилтой.
Хэрэв унасан хичээлийн тоо 4-с хэтэрвэл доод ангийхантайгаа ахин хичээлдээ сууна.

Шалгалтын бэлтгэл: Анд гарахдаа (Шалгалтанд явахдаа ккк) үзэг, харандаанаас гадна зайлшгүй авч явах шаардлагатай хэдэн зүйл бас бий.

1. Бурхандаа сайн залбирсан байх шаардлагатай
2. Коллежээс өгсөн хүзүүвчээ (Оюутны үнэмлэх) үргэлж авч явж байх. Бараг хэрэг болдоггүй юм даа би шугам болгож хэрэглэдэг.
3. Гавъяаны улаан тугийн одон(Их сургуулиас өгсөн шалгалтанд орох бичиг). Нэг их гавъяа байгуулваас шалгалтанд оруулдаг юм байна. Тэр гавъяа нь ирц бүрэн, төлбөрөө төлсөн, багшаас шалгалтанд орж болохуйц оноо авсан, номын сантай тооцоогүй зэрэг болно. Эдгээрийг биелүүлж гэмээ нь гавъяаны улаан тугийн одонгоор шагнуулмой.

Номын сан: Номын сан нь өглөө 8-с шөнийн 12.00 хүртэл ажилладаг. Оюутан хүссэн үедээ хүссэн номоо аваад сууж болно. Номын сан дотор ямар ч ном авсан чөлөөтэй, заавал үнэмлэх хэрэглэх шаардлагагүй. Зөвхөн гэрээр авах үед л номын сангийн үнэмлэх хэрэг болдог ба нэг сар хүртэл хугацаагаар авч болно
Хэрвээ хүсвэл үргэлжлүүлэн сунгаад яваад байж болно.
Ингээд нэг гадуур гарсан ном улирлын төгсгөлд л гэрийн бараа харна (Номын сандаа буцаж ирнэ).

Дотуур байр, спорт байгууламж : Мэдээж гадна, дотны оюутнуудаа дотуур байраар хангадаг. Нэг өрөөнд 3 хүртлэх хүн байрлах боломжтой. Өрөө болгон угаалтуур, жорлонтой. Халуун хүйтэн усаар хангана. Хангаж байгаа дээр нь ашиглаад авахгүй бол өмхийрнө. Учир нь халуун орон шүү дээ хөлс баас гэдэг чинь урсаад л гараад ирж байгаа юм. Мөн спортын зүгээс оюутнуудаа их дэмждэг. Манайхан шиг нэг заал хийчээд цоожлоод явчдаггүй. Заал нь коллеж онгойхоос эхлээд хаагдах хүртэл чөлөөтэй. Хэн хүссэн нь заалыг эзэмдэж байдаг.

Тээвэр: Хот дотроо гэр нь байрладаг оюутнууддаа зориулаад Коллежоос унаа уншаар хангадаг. Том хот болхоор чиглэл болгонд явдаггүй байхаа. Тодорхой гаргасан чиглэлийн дагуу оюутнуудаа аваад замдаа гээж орхиод явдаг. Маргааш өглөө нь нөгөө гээгдсэн оюутнуудаа буцаагаад түүгээл ирнэ.
Унаа нь коллежийн нэрийг хадсан сүржин нь аргагүй шар өнгийн урт, гонжгой эд байх бөлгөө.


Эцэст нь сонирхуулаад зарим нэг зураг.

Жагар хоол. (Дотуур байрнаас хангадаг хоол.)

Спорт заалын нэг хэсэг.
Gym. Ойлгомжтой.                                                                        

Спорт заалны нэг хэсэг.
Агаарын болон ширээний теннис.

Коллежийн өмнөх цэцэрлэг. Үдийн хоолны
үеэр жагар оюутнууд энүүгээр бэлчинэ.

3 баатрын дууль. Цаана нь баригдаж байгаа
барилга охидын дотуур байр болно.

Коллеж хүрэх зам. Анх ирхэд ийм замтай байлаа.
Харин одоо 4 дахин өргөн болсон.

Гудамжинд. Модноос нь жимс.

Өө энэ хамааралгүй зураг тууж явна.
Jog fall. It falls from 300 meter high